Azərbaycanda sahibkarlığın, o cümlədən qadın sahibkarlığının inkişafına hər zaman dəstək olan AccessBank, Avropa Yenidənqurma və İnkişaf Bankı (EBRD) ilə tərəfdaşlıq çərçivəsində Access2Success layihəsinə dördüncü dəfə start verdiyini elan edir.
Altı həftə ərzində layəhədə iştirak edən sahibkarlar maliyyə,marketinq və strateji planlaşdırma sahələrində yeni biliklər əldə edəcək, bizneslərini inkişaf etdirmək üçün faydalı şəbəkələr qurmaq imkanı qazanacaq, uğurlu sahibkar olmaq üçün peşəkar bacarıqlarını genişləndirəcəklər.
Access2Sucess layihəsində iştirak üçün son müraciət tarixi: 1 noyabr 2025-ci il
Qeydiyyat linki: bit.ly/3IowMu5
AccessBank qadın sahibkarları bu təşəbbüsə qoşulmağa dəvət edir və onların uğur hekayələrinin bir parçası olmaqdan qürur duyur.
Qeyd edək ki, ilk Access2Success layihəsi 2022-ci ildə həyata keçirilib. İştirak üçün 250-yə yaxın müraciət qəbul olunub, onlardan 53 qadın təlimlərdə iştirak edib. 2023-cü ildə keçirilən Access2Success-2 layihəsində 250-dən çox müraciətdən seçilən 50 qadın qatılıb. 2024-cü ildə isə 50 qadın biznesin idarə edilməsi, satış və marketinq, emosional idarəetmə, liderlik bacarıqları və hüquqi aspektlər üzrə təlimlərdə iştirak edib.
Layihə hər il qadın sahibkarların qarşılaşdığı əsas çətinliklərin – maliyyə əlçatanlığı, məhdud biznes bilikləri və peşəkar inkişaf baryerlərinin – aradan qaldırılmasına dəstək olmağı hədəfləyir.
AccessBank Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 22-i bölgələrdə olmaqla, 36 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: https://bit.ly/accessbank-filiallar .
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.
*AccessBank QSC Azərbaycan Respublikası Mərkəzi Bankı tərəfindən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
