Azərbaycanın Ağdaş rayonunda qətl hadisəsi törədilib.
APA-nın xəbərinə görə, hadisə ötən axşam Ağdaş şəhərinin Məmməd Əmin Rəsulzadə küçəsində qeydə alınıb. Rayon sakini Bağırov Rəvan Qəhrəman oğlu həmyerlisi, Heydər Əliyev prospekti ev № 1-də yaşayan, 1991-ci il təvəllüdlü İsmayılov Kamal İlqar oğluna ov tüfəngi ilə atəş açıb. Kürək nahiyəsindən xəsarət alan Kamal İsmayılov Ağdaş Mərkəzi Rayon Xəstəxanasına aparılarkən yolda ölüb. Hadisənin qısqanclıq zəminində törədildiyi bildirilir.
Hadisəni törədən Rəvan Qəhrəmanov saxlanılıb.
