"Uşaqların ailədə gördükləri televiziya vasitəsilə aldıqları məlumatlardan və bir neçə saatlıq tədrisdən daha təsirlidir”
AZXEBER.COm xəbər verir ki, bu sözləri Azərbaycan Respublikasının Ailə, Qadın və Uşaq Problemləri üzrə
Dövlət Komitəsinin sədr müavini Aynur Sofiyeva Gənclər və İdman Nazirliyi və Dini Qurumlarla İş üzrə Dövlət Komitəsi tərəfindən "Gənc nəslin milli-mənəvi dəyərlər ruhunda tərbiyəsi” mövzusunda keçirilən konfrans zamanı deyib.
Onun sözlərinə görə, uşaqlar ailə dəyərlərini ilk növbədə real həyatda, ailə üzvlərinin bir-birinə münasibətində görürlər. Böyüklərə hörmət, uşaqlara qayğı, sədaqət və sevgi, eləcə də ailənin cəmiyyətlə münasibəti bu dəyərlərin formalaşmasında mühüm rol oynayır.
O vurğulayıb ki, uşaqların ailədə gördükləri televiziya vasitəsilə aldıqları məlumatlardan və bir neçə saatlıq tədrisdən daha təsirlidir. Cəmiyyətin sağlam inkişafı və baş verən proseslərə adekvat cavab verməsi vacibdir.
Şahanə Ziyad
