Tərtər rayonunda bir müddət əvvəl ailəsi dağılan qız özünü öldürüb. Rayon Prokurorluğundan verilən məlumata görə, Bayandur kənd sakini, 18 yaşlı Nərmin Quliyeva özünü asıb. Dünən günorta saatlarından itkin düşmüş qızın meyitini ailə üzvləri gecə saatlarında qonşuluqda yaşayan nənəsinin həyətindəki tikilidə asılmış vəziyyətdə tapıblar.Mərhum qadın bir müddət əvvəl ailə qursa da, az sonra boşanaraq ata evinə qayıdıb. Elə həmin vaxtdan N.Quliyeva depressiyada olub. Onun ölümünün dəqiq səbəbləri məlum deyil. Meyit müayinə olunması üçün ekspertizaya göndərilib.
