"Kişinin ahı inanmıram ki, hansısa qadını tusun, amma qadının ahı insanı iflic edər! Məncə ağıllı kişi heç bir zaman qadın ilə mübahisə etməməlidir".
Bunu AZXEBER.COM-a müsahibəsində aktyor, rejissor Kənana Mahmudov deyib.
Qadın-kişi münasibətlərindən danışan aktyor iddialı açıqlamar edib:
"Qadın mənim üçün "ilham pərisi" deyil. Məncə ağıllı kişi heç bir zaman qadın ilə mübahisə etməməlidir. Çünki nəhyətində kişi uduzan tərəf olacaq. Mən həyatda bir neçə şeydən çox qorxuram, bunlardan biri də qadın şəridir. Çünki tanınmış insanlar bu həyatın yükünü sadə insanlara nisbətdə daha çox çəkirlər. Adi vətandaşa şər atsan, bu unudulub gedər zamanla, heç kimin yadında qalmaz. Amma tanınmış şəxslər üçün bu o qədər də asan deyil. Bəziləri sənin bu halına sevinəcəklər də. Hazırda yıxılmağımı gözləyən, əlində balta dayanan o qədər insan var ki?...
Mən qəddar biri deyiləm, ətraf mühit pisdir. (gülür-red.) Hər kəs öz hekayəsini özü yazır və onun baş qəhrəmanı olur. Həyatda uğursuz hekayələri olan kişilərin başına gələn hadisələrdə belə bir qadın imzasının olduğuna inanıram. "Hər uğurlu kişinin arxasında ona dəstək olan uğurlu bir qadın var" sözü sadəcə olaraq qadınların uydurduğu kəlamdır. Mən deyərdim ki, "Hər bədbəxt kişinin arxasında da bir xoşbəxt qadın var". Bu sözü deməklə uğur qazanmış kişilərin əməyini, haqqını yerə vurmuş oluruq. Belə bir şey yoxdur!
Ümumiyyətlə qadınlar çətin varlıqlardır. Onların nə istədiyini anlmaq üçün bir cihaza ehtiyac olsa, onu ancaq başqa bir qadın düzəldə bilər. Onlar nə istədiklərini bilmirlər. Deyirlər sevgi, qayğı, diqqət istəyirik. Əmin olun ki, onu kişi də istəyir. Həm də buna daha çox kişlərin ehtiyacı var.
Aysel Hacızadə
