Akif Nağı rəqibi Polad Bülbüloğlu haqda danışdı: Onun namizəd olması...
SİYASƏT
15:20 25.07.2024
2097
Bu sözləri AZXEBER.COM-a açıqlamasında Azad Vətən Partiyasının sədri Akif Nağı Rusiyanın Azərbaycandakı səfiri Polad Bülbüloğlunun 1 sentyabr - Növbədənkənar Parlament seçkilərində onun namizəd olduğu dairədən namizəd olmasına münasibət bildirərkən deyib.
Partiya sədri bildirib ki, o, istənilən şəxslə sağlam mübarizə aparmağa hazırdır:
"Mən istənilən şəxslə sağlam mübarizə aparmağa hazıram. Əgər Polad müəllim də mübarizəyə sağlam şəkildə, müəyyən prinsiplər əsasında yanaşacaqsa, hesab edirəm ki, problem yaşanmayacaq. Mən öz namizədliyimə, şansıma tam inanıram. Çünki Azərbaycanın istənilən bölgəsində, xüsusilə Qarabağda mənim qalib gəlmə şansım istənilən adamdan daha çoxdur. Ona görə ki, biz 30 il ərzində Qarabağın azadlığı uğrunda çalışmışıq. Hamının gözünün qarşısında bütün həyatımızı bu prosesə sərf etmişik. Bu addımlarıma görə dəfələrlə tutulmuşam, döyülmüşəm, işdən azad edilmişəm, təzyiqlərə məruz qalmışam, amma bir dəfə yolumdan dönməmişəm. Biz yalnız düzgün yolu - müharibəni yolunu göstərmişik. Cənab Prezident İlham Əliyev də çox sağ olsun ki, uğurlu addımlar atdı və bizim arzularımızı həyata keçirərək torpaqlarımızı işğaldan azad etdi.
Ümumən, Azərbaycan cəmiyyətində müharibə əleyhinə olan həddindən artıq çox adam var. Bu gün özlərini, qalib, fateh kimi göstərərək Şuşada gedib "poza"lar verirlər. Vaxt var idi ki, bu şəxslər bizi az qala xalq düşməni elan edirdilər".
Qeyd edək ki, Akif Nağı və Polad Bülbüloğlu 124 saylı Şuşa-Ağdam-Xocavənd seçki dairəsində yarışacaqlar.
Mikayıl Mirzəzadə
OXŞAR XƏBƏRLƏR
