Alim Qasımov İsa Qəmbərin oğlunun toyunda iştirak etmədiyinə görə təəsüflənir
Bütün Xəbərlər
13:20 18.04.2013
1476
Xalq artisti, muğam ifaçısı Alim Qasımov İsa Qəmbərin oğlunun toyuna dəvət almadığından təəssüf hissi keçirdiyini bildirib: “Mən Alim Qasımov olaraq bəyan edirəm ki, sənətçiləri, müğənniləri siyasətə qatmaq olmaz. Onlar dəvət aldığı məclisdən bir tikə çörək qazanır. Bu necə ola bilər? Mən iqtidarın toyuna gedim, müxalifətə yox deyim!? Onda ya acından ölərik, ya da sənətə vida deyərik”.Qeyd edək ki, Nazpəri Dostəliyevanın Müsavat başqanı İsa Qəmbərin oğlunun toy mərasimində iştirakı sənət aləmində birmənalı qarşılanmadı. Bəzi həmkarları bunu İlhamə Quliyevanın şikayət ərizəsinə əsasən müğənninin DİN-ində dindirilməsinə cavab kimi dəyərləndirib. İlhamə Quliyeva isə “dövlətçiliyə sədaqətli olduğu üçün” bu sayaq məclislərdə iştirak etmədiyini dilə gətirib. N. Dostəliyevaya gəlincə, o öz açıqlamasında hər bir azərbaycanlını balası qədər sevdiyini və istər müxalifət, istərsə də iqtidarda xalqın ziyalı oğullarının fəaliyyət göstərdiyini bildirib.
