Xəbər verdiyimiz kimi, Azərbaycan Boks Federasiyasının vitse-prezidenti, 86 yaşlı professor Ağacan Abıyev yaşlı deputatlar haqda qalmaqallı fikir səsləndirib.
Belə ki, eks-deputat 70-80 yaşlı deputatların gedib nəvələri ilə oynamalı olduqlarını deyib.
Milli Məclisin deputatı Aqil Abbas AZXEBER.COM-a açıqlamasında 86 yaşlı Ağacan Abıyevin səsləndirdiyi fikirlərə münasibətini bildirib.
Aqil Abbas yaşlı deputatları güllələmək lazımdır deyə bildirib.
"Ümumiyyətlə deputatı xalq seçir. Seçkilərdə də yaş həddi yoxdur. Belə bir deyim var ki, Allahsız yerdə otur, ağsaqqalsız yerdə oturma. Milli Məclisdə ağsaqqal da olmalıdır, yaşlı deputat da olmalıdır, cavan deputat da. Sağlamsansa, özünü idarə edə bilirsənsə deputat olmaq üçün yaş həddi yoxdur. Bundan əvvəl də demişdim ki, yaşlı deputatları güllələmək lazımdır".
Aqil Abbas növbədənkənar parlament seçkilərində iştirak edib-etməyəcəyi haqda bunları deyib: "Növbədənkənar parlament seçkilərində iştirakımla bağlı qərarı 10 gündən sonra verəcyəm".
Günel Hüseynli
