Azərbaycanda tarixində ilk dəfə keçirilən “Art Kamp” bu gün yekunlaşır.
Mübariz İbrahimov adına Gənclərin I Ümumrespublika Teatr Festivalı çərçivəsindəAzərbaycan tarixindəilk dəfəkeçirilən “Art-Kamp”bu gün yekunlaşır.
Teatr Festivalının 100-dən çox iştirakçısının qatıldığı kamp 25 noyabrda start götürüb. Azərbaycan Gənclər və İdman Nazirliyinin Şüvəlandakı “Cırtdan” kompleksindəkeçirilən kampda peşəkar aktyor vərejissorlar tərəfindən pulsuz ustad dərsləri və müxtəlif janrlarda seminarlar təşkil edilir.
Kamp müddətində Bakıdan, Mingəçevir, Zaqatala, Ucar və İsmayıllıdan olan gənclər müxtəlif seminarlarda iştirakı və yaşadığı təəssüratları bizlərlə bölüşdülər.
Yuğ Dövlət Teatrının nəzdindəki “Yaradıcı təşəbbüslər” qrupunun üzvü Ayaz Məmmədov kamp müddətində rəqib komandalarla dostluq münasibətlərinin qurulduğunu və əsas məqsədlərinin yer tutmaq deyil, vətənə layiq tamaşaları xalqa çatdırmaq olduğunu bildirib.
Mingəçevir truppasının iştirakçısı Qazax Nağı kampda yaradılan yüksək səviyyəli şəraitdən razı qaldığını və belə kampların tez-tez keçirilməsi arzusunda olduğunu bildirib.
“Kamp çox xoşuma gəldi. Master klasslar da yüksək səviyyədə keçirilir. Televiziyada gördüyümüz tanınmış insanlardan burada dərslər alırıq. Ustad dərsləri dünya görüşümüzün inkişafında böyük rol oynayır. Nəticənin çox ədalətli olacağına inanırıq”.
“T.O.T.E.M” Tələbə Teatrının üzvləri Könül Cəfərzadə və Zaur Əliyev də təəssüratlarının çox gözəl olduğunu, qalib və ya məğlub olamalarından asılı olmayaraq bu fesitavalın çox faydalı və yadda qalan olacağını bildiriblər
Kampın 13 yaşlı ən kiçik iştirakçısı Ayla Qasımzadə az yaşının olmasına baxmayaraq festivalda həm rejissor, həm ssenarist, həm də aktyor kimi iştirak edir. Ayla yaşının az olduğumdan peşəkar olmadığını və bu səbəbdən də uduzacağı halda təəccüblənməyəcəyini bildirib. O, bu festivalda iştirak etməyin özünün bir uğur olduğunu da söyləyib.
Qeyd edək ki, “Art Kamp”a bu gün yekun vurulacaq. Sabahdan etbarən isə “Mübariz İbrahimov adına Gənclərin I Ümumrespublika Teatr Festivalı”na start5 veriləcək. Gənc tamaşaçılar teatrında baş tutacaq festival 1 dekabrda final mərhələsi ilə yekunlaşacaq. Festivalda iştirak pulsuzdur.
