Avtomobil təmirçisi Zekeriya Kablan həyat yoldaşının mobil telefonuna gələn mesaji oxuyub. İlkay Kablan mesajın kimdən gəldiyini bilmədiyini söyləsə də, o qonşusu Zekeriya Yavuzu çağırıb. Başlayan mübahisə Zekeriya Yavuzun yaralanması ilə nəticələnib.
Adana Nümunə Xəstəxanasına aparılan yaralıya ilkin yardım göstərilsə də onun həyatını xilas etmək mümkün olmayıb. Şübhəli Zekeriya Kablan hadisədən sonra qaçıb. İstintaq axtarışlarına başlayan polis, Zekeriya Yavuz və İlkay Kablanın mobil telefonlarını müsadirə edib.
