Asteroid yerdən uzaqlaşdı, təhlükə sovuşdu (XOŞ XƏBƏR)
MARAQLI
13:24 09.11.2011
1807
Yer üçün təhlükə yaradan 2005 YU 55 nömrəli asteroid artıq yerdən uzaqlaşıb.Bu barədə APA-ya Azərbaycan Milli Elmlər Akademiyasının (AMEA) N. Tusi adına Şamaxı Astrofizika Rəsədxanasının baş direktoru Əyyub Quliyev bildirib. Onun sözlərinə görə, diametri 400 metr olan asteroid Yerə çox yaxınlaşacağına görə təhlükəli hesab olunurdu: “Asteroid Yerdən 300 min kilometr məsafədən keçib. Bununla da, toqquşma təhlükəsi sovuşub. Ümumiyyətlə, 1200-ə yaxın asteroid Yer üçün təhlükəli hesab olunur. Onların orbitləri, trayektoriyaları dəqiq hesablanır. 2005 YU 55 nömrəli asteroid 2005-ci ildə tapılıb. O vaxtdan da onun hərəkətləri daim nəzarət altındadır”.
