«Atena» Süd və Süd Məhsulları şirkəti Qaynar.info Milli Xəbər Portalı da daxil olmaqla, bir neçə informasiya resursunu məhkəməyə verib. Qaynar.info özəl mənbələrə istinadən xəbər verir ki, şirkət portalımızda may ayının 14-də “Tribuna” İnformasiya Agentliyinə(tia.az) istinadən dərc olunan “”Atena”nın məhsulları təhlükəlidir?” başlıqlı yazıya görə 3 ay sonra Nəsimi rayon Məhkəməsində mülki qaydada iddia qaldırıb. Şirkətin məhkəmə iddiasında portalımızın təxminən 30-40 manat həcmində cərimələnməsi ilə bağlı məqam yer alıb. Məsələ ilə bağlı açıqlama yayan Qaynar.info Milli Xəbər Portalı bəyan edir ki, baxmayaraq ki, məlum yazı portalda digər agentliyə istinadən dərc olunub, ancaq onlar məsuliyyətdən qaçmırlar: “Biz məhkəmədə sözümüzü deyəcəyik. Sadəcə məsələnin prinspial tərəfi “Atena”nın problemi Mətbuat Şurası səviyyəsində həll etmək imkanı varkən, məhkəməyə müraciət etməsidir. Bu şirkətin mətbuata olan düşmən münasibətindən xəbər verir. Bu gün ölkə prezidenti cənab İlham Əliyev səviyyəsində mətbuata dövlət qayğısı siyasəti reallaşdırılır. Hər gün müxtəlif mətbu orqanlarda hakimiyyətin ən iri ranqlı məmurları, ayrı-ayrı şirkətlər tənqid olunur, barələrində ən ağlasığmaz informasiyalar yayılır. Ancaq onların demək olar ki, hamısı cənab Prezidentin Azərbaycanda azad mətbuatın inkişafına dəstək siyasətindən örnək götürərək, buna dözümlü yanaşırlar. Barələrində yayılmış xəbərlərlə bağlı rəsmi mövqelərini bildirməklə yaranmış anlaşılmazlığa son qoyurlar. Ən pis halda isə məsələlər Mətbuat Şurası səviyyəsində həll olunur. Çünki Şura mətbuatla dövlət qurumları, ictimaiyyət arasında münasibətləri tənzimləyən ən ali qurumdur. Belə bir situatsiyada “Atena”nın birbaşa məhkəməyə müraciət etməsi ölkəmizdə dövlət səviyyəsində həyata keçirilən uğurlu mətbu siyasətə açıq meydan oxumaqdır. Ancaq bu bizi qorxutmur. Hər gün “Atena” şirkəti ilə bağlı redaksiyamıza çoxsaylı şikayətlər daxil olur. Qoy onlar bizi məhkəməyə verməklərində olsunlar, bizdə bu məlumatları araşdırmaqda…”
