ATƏT-in fəaliyyətdə olan sədrinin münaqişələr üzrə xüsusi nümayəndəsi Andrey Deşitsa Azərbaycanda səfərdədir.Andrey Deşitsanın müdafiə naziri Səfər Əbiyev, xarici işlər naziri Elmar Məmmədyarov, Prezident Administrasiyasının nümayəndələri ilə görüşləri planlaşdırılır.
Xüsusi nümayəndə Bakıda Dağlıq Qarabağ münaqişəsinin sülh yolu ilə nizamlanmasının mövcud durumunu, ATƏT sədri, Ukraynanın xarici işlər naziri Leonid Kojaranın Cənubi Qafqaz regionuna səfərinə hazırlıq məsələlərini müzakirə edəcək.
Xatırladaq ki, ATƏT sədrinin səfəri iyun ayına planlaşdırılıb.
Andrey Koşitsa Azərbaycandan sonra Gürcüstana və Ermənistana səfər edəcək.//APA
