AZXEBER.COM-un müsahibi tanınmış müğənni Aysel Əlizadədir.
- Siz də
həmkarlarınız kimi "Mash up” ifa etdiniz. Bu ideya necə yarandı?
- Əslində,
bu mash up çoxdan hazır idi. Sadəcə bir ara o qədər mash uplar çıxdı, adiləşdi.
Düşündük ki, bir az gözləyək. Qismət bu günə idi. Əsəs odur ki, sevildi.
- Türkiyə
şou-biznesinə qatılmaq istəyən məşhurlardan biri də sizsiz. Hazırda işlər nə yerdədi?
- Artıq
uzun müddətdir ki, mən onlarla çalışıram. Yenidən İstanbula gedirəm, orada
konsert və kliplər olacaq. Sadəcə çox təəssüf ki, belə işləri mediaya maraqlı
deyil. Sonra da deyirlər ki, bu qız nə
işlə məşğul olur ki? Mən Türkiyənin şou–biznesinə qatılmağı düşünmürdüm, amma
qismət belə gətirdi.
- Son
vaxtlar efirlərdə az görünürsüz. Bunun səbəbi nədir?
- Mən hər
efirə çıxan insan deyiləm. Bakıya gələndə mənim də qayğılarım olur, ailəm var.
Onlara başım qarışır. Tez-tez efirlərə çıxsam, deyərlər nolub görməmişsən? Ona
görə də özüm efirləri seçirəm.
- Bəzi məşhur xanımlar ailə həyatı qurmadan övlad dünyaya gətirirlər. Bu haqda sizin də
fikirlərinizi bilmək istərdik...
- Heç
kim mənəm mənəm deməsin. Kim başına nə gələcəyindən xəbərsizdir. Bəzən olur ki,
heç toy olmadan uşaq dünyaya gəlir. Əgər bu hər iki tərəfin istəyi ilə olursa,
haram sayılmır. Hər bir xanımın həyatına
hörmətlə yanaşıram. Heç bir xanım istəməz elə olsun. Əgər olursa, onu da
baltalayıb, yıxmaq olmaz. Biz müğənniləri
qınaq obyektinə çevirmək çox asandır. Hazırda
tanınmayan insanların elə hərəkəti olur ki, bizə min şükür. Bir xanımın həyatın müzakirə etmək böyük bir
günahdır. Və bu etdikləri nə vaxtsa
qarşılarına çıxacaq.
- Belə bir fikir var ki, yaradıcı insanlar sevgisiz yaşaya bilmir.
- İnsanın ruh aldığı insanlar var. O sənin ailən və özün də ola bilərsən. Mən düşünürəm ki, bütün xanımlar xoşbəxt olmağa layiqdir. İstəsəm bu gün ailə həyatı quraram. Ancaq mən heç vaxt nəyəsə və kiməsə görə addım atmamışam. Mənim üçün öz istəklərim maraqlıdır. Bir gün toy oldu hər kəs paylaşdı. Bəs sonra. Axı sən bu insanla bir evini, həyatını, yatağını paylaşırsan. Bunlar mənim üçün çox önəmlidir. Sevgi mütləq olmaldır. Sevməlisən ki, o insanı pisi və yaxşısı ilə qəbul edəsən.
- Bir
ara üstünüzə çox gəldilər necə güc toplaya bildiz?
- Qara
qaradır, amma ağ tez ləkə götürür. Hər
zaman hər bir şeyi Allaha həvalə etmişəm.Mən güclü insanam. Bilirsiz ki, arxadan
atılan daş topuğa dəyir. İnsanlar kimin
düz və ya səhv olduğunu gözəl bilirlər.Mən yenə ayaq üstəyəm. Vaxt, zaman öz sözünü deyəcək. O vaxta ehtiyacımız var. Əgər yanlışım olsaydı, bu gün depressiyada
olardım. O qədər vicdansız olmamışam. Mənimlə bağlı kim nə qara piar edirsə,
onun cavabını Allah verəcək. Bu gün olmasa da, sabah mütləq olacaq. Əsas odur
ki, Allah hamının ürəyinə görə versin.Elə şeylərlə adamı gözdən salmağa çalışırlar, amma bacamırlar. Məni
tanıyan insanlar bilir ki, mənim necə ürəyim var, şərəfsiz biri deyiləm. Kim nə deyirsə desin, ancaq çərçivədən
çıxmasın. Allaha şükür ki, mənim arxamda
duran və övladlarına bələd olan ailəm
var.
Nazim Qasımzadə,
AZXEBER.COM
