ATƏT-in Minsk Qrupunun həmsədrləri Bernar Fasie, İqor Popov və Robert Bradtke iyunun əvvəllərində regiona səfər edəcəklər. APA-nın məlumatına görə, bu barədə jurnalistlərə Azərbaycanın xarici işlər naziri Elmar Məmmədyarov məlumat verib. Onun sözlərinə görə, səfərdən sonra Azərbaycan, Ermənistan və Rusiya xarici işlər nazirlərinin Moskvada üçtərəfli görüşü keçiriləcək: “Bundan sonra isə çox güman ki, iyunda üç ölkənin prezidentlərinin görüşü olacaq. Nazirlərin görüşü çox güman ki, Moskvada keçiriləcək, prezidentlərin görüşünə gəldikdə isə bir neçə variant var və biz bu variantlar üzərində işi davam etdiririk”.
