Dövlət bankı Azər Türk Bankın 01 oktyabr 2025-ci il tarixinə aktivləri ötən ilin müvafiq dövrü ilə müqayisədə 20% artaraq, 1,8 milyard manat səviyyəsində olmuş, kredit portfelinin həcmi isə 787,6 milyon manat təşkil etmişdir.
Bankın gəlirləri 18% artaraq, 125,3 milyon manat, xərcləri 115,9 milyon manat səviyyəsində olmuşdur. Qeyd edək ki, 2025-ci ilin doqquz ayında Azər Türk Bank 9,3 milyon manat həcmində xalis mənfəət əldə etmişdir.
Bankın məcmu kapitalının həcminə gəldikdə isə, bu göstərici ötən ilin eyni dövrü ilə müqayisədə 15% artımla 110,5 milyon manat olmuşdur.
Hesabat dövrü ərzində Bankın depozit portfelinin həcmi 1,2 milyard manat təşkil etmişdir ki, bu da ötənilki göstəricidən 28% çoxdur. Cari ilin üçüncü rübünün sonuna cəmi bank öhdəliklərinin həcmi 1,7 milyard manat səviyyəsində olmuşdur.
Bankın məhsul və xidmətləri barədə ətraflı məlumatı https://atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 7770 945, yaxud 945 nömrəli Çağrı Mərkəzindən əldə edə bilərsiniz.
