Azərbaycan Avropa Hərəkatı (AAH) rəhbərliyi jurnalistlərlə görüşdü - FOTO
MEDİA
15:06 24.07.2012
1633
Azərbaycan milli mətbuat günü ilə əlaqədar Azərbaycan Avropa Hərəkatının ofisində jurnalistlə üçün qeyri – rəsmi tədbir təşkil olunub. Bu barədə AAH-dan AZXEBER.COM-a məlumat verilib.Məlumata görə, tədbirin məqsədi çay və dondurma süfrəsi arxasında jurnalistləri narahat edən müxtəlif məslələri müzakirə etmək və AAH-ın edə biləcəyi dəstəyi dəyərləndirmək olub. Tədbirdə Tanınmış jurnalistlər və yazarlar – Zahir Əzəmət (ANN.Az), Seymur Baycan (yazar), Elbrus Ərud (Qafqazinfo.az), Günel Mövlud (Müstəqil jurnalist), Natiq Adilov (“Azadlıq” qəzeti), Firudin Allahverdi (Bəstəkar – yazar), Cavid Ramazanov, Nailə Bağırova (ANN.Az), Turxan Qarışqa, Mirmehdi Ağaoğlu, Anar Gəraylı, Elmin Bədəlov, Dilqəm Əhməd, Fərid Şahbazlı, Şəmşad Ağayev, Hacıbəy Heydərli, Əfsələddin Ağalarov və digərləri iştirak edib. Azərbaycan Avropa Hərəkatından isə tədbirdə hərəkatın Prezidenti Ramin Hacılı, İdarə Heyətinin üzvləri Xalisə Şahverdi, Emin Aslan, assosativ üzvlərlə iş üzrə katib Pərviz Əzimov və işçi heyəti ilə təmsil olunub. Tədbir zamanı çıxış edən Azərbaycan Avropa Hərəkatının prezidenti Ramin Hacılı jurnalistləri təbrik edib, onlara uğurlar arzulayıb: “Mən çox sevinirəm ki, bizim ölkədə hələ də öz peşəsinə dəyər verən, öz yazılarında, reportajlarında obyektivliyi qoruyub saxlaya bilən jurnalistlərimiz var. Azərbaycan o qədər kiçik ölkə və Azərbyacnda fəaliyyət göstərən ictimai – siyasi çevrə elə bir çevrədir ki, burada hamı bir – birini tanıyır. Kimlərsə hansısa məqsədlər üçün bəzən qeyri – obyektiv yazılar yaza bilər, ancaq belə yazını yazanlar sonra özləri də anlayır ki, bu kiçik ölkədə kimin hara, nəyə xidmət etməsi ən qısa zamanda hamı tərəfindən bilinir. Buna görə də mən bütün obyektiv mövqedən çıxış edən media əhlini təbrik edirəm, onlara uğurlar arzulayıram. Azərbaycan Avropa Hərəkatı olaraq biz də hər zaman onlara dəstək olmağa hazırıq”. Sonda qərara alındı ki, jurnalistlərlə bu tipli görüşlər bundan sonra da davam etdirilsin.
