22 iyul Azərbaycanda Milli Mətbuat Günü kimi qeyd olunur. AZXEBER.COM-un məlumatına görə, bu mühüm gün münasibətilə Azərbaycan Gənclər Fondu media təmsilçilərini təbrik etmək məqsədilə gənc müxbirlər üçün tədbir keçirib. 

Tədbirdə AR Gənclər və İdman nazirinin müavini İntiqam Babayev və Gənclər Fondunun aparat rəhbəri Faiq Qürbətov çıxış etmişlər. 

Qonaqları salamlayan Faiq Qürbətov Fondun fəaliyyəti, gələcək planları, media ilə əlaqələri barədə hesabat xarakterli təqdimat keçirmiş, daha sonra sözü Gənclər və İdman nazirinin müavini İntiqam Babayevə verib. 

İntiqam Babayev media nümayəndələrini təbrik edib, göstərilən informasiya dəstəyinə görə onlara təşəkkür edib. 

Sonda bütün mətbuat təmsilçiləri fəxri diplomlarla və hədiyyələrlə mükafatlandırıb. 

Qeyd edək ki, AZXEBER.COM İnformasiya portalı da mükafatlandırılan media qurumlarından olub. Portal adından mükafatı saytın təsisçisi və redaktoru Hacıbəy Heydərli alıb.