Noyabrın 28-də Mətbuat Şurasında Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən maliyyələşən "Azərbaycan media landşaftı üzrə məlumat bazasının hazırlanması" layihəsi çərçivəsində tədbir keçirilib.
Tədbiri giriş sözü ilə açan Mətbuat Şurasının sədri yeni yaranmış "Media landşaft"ı barədə media nümayəndələrinə geniş məlumat verib.
O, bildirib ki, sözügedən məlumat bazası 7 aya formalaşdırılıb.
Daha sonra tədbirdə çıxış edən Mətbuat Şurasının İdarə Heyətinin üzvü, media eksperti Müşfiq Ələsgərli mövcud layihənin beynəlxalq standartlara tam uyğun şəkildə yaranmasına diqqət çəkib.
Ekspert "Media landşaft"ının əhatə etdiyi məzmunlara da toxunaraq onların əhəmiyyətini vurğulayıb.
Tədbirin davamında Mətbuat Şurasının İdarə Heyətinin üzvləri Umud Mirzəyev, Hacıbəy Heydərli də yeni məlumat bazasının fəaliyyətə başlaması münasibətilə fikirlərini söyləyib, uğurlar arzulayıblar.
Tədbirdə eyni zamanda Medianın İnkişafı Agentliyinin rəsmisi, bir çox sayt rəhbərləri və telekanal əməkdaşları da iştirak edib.
AZXEBER.COM adıçəkilən tədbirdən videoreportaj hazırlayıb.
Həmin videoreportajı təqdim edirik:
Mikayıl Mirzəzadə
Xanlar Əlizadə
