Azərbaycan finalda 13-cü çıxış edəcək
AZXEBER.COM-un müsabiqənin rəsmi saytına istinadən verdiyi xəbərə görə, bu gün Eurovision Mahnı Müsabiqəsi 2012-də təmsil olunan ölkələrin çıxış ardıcıllığı müəyyən edilib. Eurovision 2012-də çıxış edən 42 ölkənin nümayəndə heyətlərinin rəhbərlərinin iştirakı ilə Bakıda Eurovision Mərkəzində püşkatma keçirilib.
Püşkatma mərasimi müsabiqəyə ev sahibliyi edən Bakı haqqında təqdimat videosu ilə başlayıb. Daha sonra aparıcılar Leyla Əliyeva və Nərgiz Birk-Petersen Eurovision Mahnı Müsabiqəsi 2012-nin iştirakçısı olan ölkələrin nümayəndələrini Bakıda salamlayıb və bu tədbirin Novruz bayramı günlərinə təsadüf etdiyini bildirib. Eləcə də qədim ənənələri olan Novruz bayramımız barədə, onun adət-ənənələri barədə məlumat verilib.Püşkatma nəticəsində 22, 24 mayda birinci və ikinci yarımfinallarda, eləcə də 26 mayda birbaşa finalda təmsil olunan ölkələrin şouda çıxış ardıcıllığı belədir:
22 May, Birinci yarımfinalda iştirak edən ölkələrin çıxış ardıcıllığı
Monteneqro
İslandiya
Yunanıstan
Latviya
Albaniya
Rumıniya
İsveçrə
Belçika
Finlandiya
İsrail
San Marino
Kipr
Danimarka
Rusiya
Macarıstan
Avstriya
Moldova
İrlandiya
24 May, İkinci yarımfinalda iştirak edən ölkələrin çıxış ardıcıllığı
Serbiya
Makedoniya
Niderland
Malta
Belarus
Portuqaliya
Ukrayna
Bolqarıstan
Sloveniya
Xorvatiya
İsveç
Gürcüstan
Türkiyə
Estoniya
Slovakiya
Norveç
Bosniya və Herseqovina
Litva
26 May, Final
Böyük Britaniya (1)
Fransa (9)
İtaliya (10)
Azərbaycan (13)
İspaniya (19)
Almaniya (20)
