Bu layihələr olduqca müxtəlif sahələri əhatə edir. “Azərbaycanda təhlükəsizlik problemləri. Regional təhlükəsizlik təminatı məqsədi ilə onlarin həlli metodlari”, “Biz nə üçün seçkidə iştirak etməliyik?”, “Soyqırımı tanıdaq-31 Mart”, “Gənclərin vətənpərvərliklə bağlı fikirlərində psixoloji gərginliklər əmələ gətirən amillər”, “Gənclərin mənəvi-əxlaqi və vətənpərvərlik tərbiyəsi”, “Azərbaycan ədəbiyyatını öyrənək”, “XOCALIDAN DANIŞAQ”, “Turizmin inkişafına virtual dəstək”, “Slavyan mədəniyyətinə səyahət”, “Slavyan gəncləri ilə dostluq həftəsi” və s. layihələr cəmiyyətdə, o cümlədən, slavyan gəncləri arasında böyük maraq hissi ilə qarşılandı. Ən uğurlu isə “RAGT-a yaxın olaq” layihəsi oldu. Belə ki, bu layihə çərçivəsində biz ASGA olaraq Rusiyanın Azərbaycanlı Gənclər Təşkilatının fəaliyyəti, məqsədi və vəzifələri barədə gənclərə məlumat verməklə bir növ öz üzərimizə düşən böyük bir missiyanı reallaşdırmalı olduq. Bu layihə çərçivəsində biz demək olar ki, əksər universitetlərdə geniş silsilə tədbirlər reallaşdırdıq. Heydər Əliyev Fondunun vitse-prezidenti, RAGT-ın sədri Leyla xanım Əliyevanın çoxşaxəli, uğurlu diaspor fəaliyyəti, elə bilirəm ki, bütün QHT-lər tərəfindən dəstəklənməli və təbliğ olunmalıdır. Çünki RAGT-ın fəaliyyəti təkcə hər hansı bir layihəni reallaşdırmaqdan ibarət deyil. Bu təşkilatın əsas missiyası Azərbaycanı dünyaya tanıtmaqdan ibarətdir.”ASGA-nın ölkə sərhədləri daxilində kifayət qədər ciddi fəaliyyət göstərən təşkilat kimi tanındığını deyən S.Abbasov müvafiq Slavyan ölkələrində nümayəndəliklərinin açılmasının zəruri olduğunu qeyd edib: “Biz təşkilat olaraq əsas məqsəd və hədəfimizə çatmaq üçün filialların, nümayəndəliklərin açılmasını zəruri hesab edirik. Bu baxımdan ən böyük Slavyan ölkəsi olan Rusiya Federasiyasında nümayəndəliyin açılmasına qərar verdik. Nümayəndəliyin rəhbəri kifayət qədər ciddi fəaliyyəti ilə tanınan, “Yeni Nəfəs” İB-nin Rusiya nümayəndəliyinin rəhbəri, Ümumrusiya Azərbaycanlıları Konqresinin üzvü Toğrul Allahverdili təyin edildi. Bundan başqa biz söz verdiyimiz kimi İdarə heyətində də dəyişikliklər etdik. Belə ki, tanınmış jurnalist Azər Niftiyev ASGA-nın icraçı direktoru təyin edildi. Bundan başqa təşkilatın nəzdində fəaliyyət göstərən saytlar “Mubarizoglu” Media Group adı altında daha sistemli şəkildə fəaliyyətə başladılar.”