Bernar Fasye: "Növbəti görüş gələn ilin əvvəlində baş tuta bilər"
Azərbaycan və Ermənistan prezidentlərinin növbəti görüşü gələn ilin əvvəlində baş tuta bilər. Bu barədə Bakıda keçirdiyi mətbuat konfransında ATƏT-in Minsk qrupunun səlahiyyətləri başa çatmış həmsədri Bernar Fasye deyib.
“Mən artıq vasitəçilik missiyamı başa çatdırmışam. Lakin düşünürəm ki, prezidentlərin növbəti görüşü gələn ilin ilk aylarında baş tuta bilər”, - deyə o vurğulayıb.
Xatırladaq ki, ATƏT-in Minsk qrupu həmsədrlərinin Vilnüs bəyanatında prezidentlərin növbəti görüşünün planlaşdırıldığı əks olunub.
