Xəbər verdiyimiz kimi, Rusiyanın son illər mediadan istifadə edərək digər ölkələrə qarşı kampaniyalar təşkil etməsi adət halını alıb.
"Sputnik Azərbaycan"ın saxlanılan əməkdaşları ilə bağlı Rusiya Jurnalistlər ittifaqı beynəlxalq təşkilatlara müraciət edib.
Mətbuat Şurası da bununla bağlı mövqeyini və faktları qeyd edib.
Məsələyə münasibət bildirən Mətbuat Şurasının İdarə heyətinin üzvü Azər Həsrət AZXEBER.COM-a açıqlamasında jurnalist adı altında fəaliyyət göstərən şəxslərin əsas işlərinin Azərbaycanda kəşfiyyat məlumatları yığmaqla ictimai rəyə təsir etməklə məşğul olduqlarını deyib:
"Rusiya Jurnalistlər İttifaqının bu müraciəti ikiyüzlülüyün və faktları təhrif etmənin bariz nümunəsidir. Onların özləri də yaxşı bilirlər ki, Azərbaycanın saxladığı adamlar jurnalist deyillər. Onlar jurnalist adı altında Azərbaycanda kəşfiyyat məlumatları yığmaqla, ictimai rəyə təsir etməklə məşğul olublar. Ona görə də Azərbaycan dövləti əlbəttə ki, öz maraqlarını qorumaq üçün bu adamları atmalı olub. Hələ Rusiya tərəfi unutmamalıdır ki, Azərbaycan bu informasiyaya sahib olduğu halda həmin adamların ölkədən rahat bir şəkildə getməsi üçün də imkan yaradıb. Hamımız yaxşı xatırlayırıq ki, 2025-ci ilin fevral ayında Azərbaycanda "Sputnik Azərbaycan"ın fəaliyyətinin dayandırılması və sadəcə bir müxbir postunun məntəqəsinin təsis edilməsi ilə bağlı bu quruma müraciət edilmişdi, müvafiq informasiyaya göndərilmişdi".
Ekspert həmçinin bildirib ki, Azərbaycan onlara qarşı qanun çərçivəsində tədbir görüb:
"Bununla da Azərbaycan nəzakətli bir şəkildə onlara demişdi ki, yəni sizin nə işlə məşğul olduğunuzu bilirik ki, ona görə də dövlətlər arası münasibətlərə xələl gəlməsin deyə sizə bu şansı tanıyırıq ki, çıxın gedin, biz sizə toxunmayaq. Amma təəssüflər olsun ki, onlar Azərbaycanın bu xoşməramlı çağırışını inkar etdilər, getmədilər, əksinə büro olaraq qalıb fəaliyyətlərini davam etdirdilər. İndi də Azərbaycan təbiidir ki, qanun çərçivəsində onlara qarşı tədbir gördü və bu zamanda Rusiya Xüsusi Xidmət Orqanlarının agentləri olan iki nəfərin jurnalist adı altında fəaliyyət göstərməsi ilə bağlı informasiyada ictimailəşdirildi. Yəni, Rusiya Jurnalistlər İttifaqı bunu bu detallarına qədər bilir, necə ki, biz bilirik. Amma buna baxmıraq, utanmadan Beynəlxalq Jurnalist və İnsan Haqları qurumlarına müraciət edirlər və Azərbaycanı hər şeydə ittiham edirlər. Təbiidir ki, Azərbaycan bunu cavabsız qoymur".
Azər Həsrət bildirib ki, Rusiya dünyada azad medianın olmadığı olkədir:
"İlkin cavab Mətbuat Şurasından gəldi, belə də olmalı idi və o cavab artıq Beynəlxalq Jurnalist qurumlarına da, İnsan Haqları təşkilatlarına da göndərilir və təbidir ki, önümüzdəki günlərdə də daha geniş tirajlanacaq. Yəni, onların deyəcəyi varsa, bizim də deyəcəyimiz var. Mənə elə gəlir ki, Rusiya Jurnalistlər İttifaqı Azərbaycanla deyil, elə öz ölkəsinin içində məşğul olsa daha məqsədə uyğun olar. Çünki Rusiya dünyada ümumiyyətlə azad medianın olmadığı bir ölkədir. Hətta adi internet, sosial şəbəkələr belə bu ölkədə artıq əlçatan deyil. Ukrayna torpaqlarını işğal edən Rusiya interneti də elə əngəlleyir ki, insanlar fərqli informasiya əldə edə bilməsin. İndi niyə Rusiya Jurnalistlər İttifaqı bunu qoyub da xüsusi xidmət orqanlarının, agentlərinin saxlanılmasını jurnalistika məsələsi kimi dünyaya yaşatdırmağa çalışır? Məncə əvvəlcə bir özlərinə baxsınlar, özləri ilə məşğul olsunlar. Təbidir ki, deyəcəkləri varsa bizim də deyəcəyimiz var. Zatən Azərbaycan da o Azərbaycan deyil ki, yerindən duran üstümüzə gəlsin".
Günel Hüseynli
