Azərbaycana sel gəldi, kəndlər su altında qaldı - VİDEO
Bütün Xəbərlər
13:53 29.06.2012
2157
Gecə saatlarında Goranboy və Naftalanda başlayan güclü yağışlar sellə nəticələnib. Sel nəticəsində 20-yə yaxın yaşayış məntəqəsi sel sularının təsirinə məruz qalıb. Sel nəticəsində ilk olaraq Goranboyun dağlıq ərazidə yerləşən yaşayış məntəqələrini su basıb. Daha sonra isə məcrasından çıxan Qaraçay və Gorançay ətrafdakı yaşayış məntəqələrinə dolub. Yüzlərlə ev və ticarət obyektləri sular altında qalıb.Sel suları Bakı-Qazax magistral yolunun Goranboy ərazisindəki bir hissəsini də basıb. Avtomobillərin hərəkətində problem yaranıb. Bəzi avtomobillər isə selin içində qalıb. Təbii fəlakət Naftalan şəhərinə və şəhərə bitişik Qasımbəyli kəndinə də ziyan vurub. Sel suları nəticəsində evləri uçan Aslanovlar ailəsi son anda ölümdən xilas ola bilib.Selin gətirdiyi lil kənd sakinlərinin evlərindəki əşyaların sıradan çıxmasına səbəb olub. Dərhal əraziyə texnika cəlb olunaraq təbii fəlakətin qarşısı qismən alınıb.Gecə saat 02:00-dan sonra sel səngiməyə başlayıb. Hazırda Fövqəladə Hallar Komissiyasının əməkdaşları təbii fəlakət zonasında araşdırma aparır. Dəyən ziyanın miqdarı da günün ikinci yarısında məlum olacaq.
