Bu gün Bakı Ağır Cinayətlər Məhkəməsində qəsdən adam öldürməkdə təqsirləndirilən 15 yaşlı Anar Səlimovun cinayət işi üzrə məhkəmə prosesi başa çatıb.
AZXEBER.COM APA-ya istinadən xəbər verir ki, prosesdə hökm oxunub. Hökmə əsasən, A.Səlimov 10 il müddətinə azadlıqdan məhrum edilib.
Qeyd edək ki, ötən il dekabrın 26-da A.Səlimov 24 yaşlı Həşimov Nazim Natiq oğlunu bıçaqlayaraq qətlə yetirib. Hadisəyə səbəb isə onların yolda təsadüfən bir-biri ilə toqquşması olub. Belə ki, N.Həşimov yol vermədiyi üçün Anara iradını bildirib. Bundan qəzəblənən Anar Nazimi bıçaqlayaraq öldürüb
