Şirvan şəhərində 87 yaşlı qadın ağır xəsarət alıb. Şirvan Şəhər Polis ŞöbəsindənMil-Muğan bürosuna verilən məlumat görə, Şirvan şəhəri H.Əliyev küçəsi-1b, mənzil 64 ünvanında yaşayan, 1926-cı il təvəllüdlü Tağıyeva Balaxanım Murtuz qızı bankomatdan təqaüdünü alıb qayıdarkən yaxınlıqda yerləşən binanın divarından qopan üzlük daş onun başına düşüb. Nəticədə B. Tağıyeva ağır kəllə-beyin travması diaqnozu ilə Şirvan şəhər Xəstəxanasının reanimasiya şöbəsinə yerləşdirilib. Həkimlərin bildirdiyinə görə, qadın hazırda komatoz vəziyyətdədir və durumu ağır qiymətləndirilir.
Balaxanım Tağıyeva Böyük vətən Müharibəsi iştirakçısı olub və uzun müddət yerli ədliyyə orqanlarında rəhbər vəzifələrdə çalışıb.//APA
