Hacıqabul rayonu ərazisində dəhşətli yol qəzası baş verib.
AZXEBER.COM-un APA-ya istinadən məlumatına görə, bu gün saat 8.00 radələrində Bakı-Qazax yolunun 125-ci km-də, Hacıqabul rayonunun Qarasu kəndi ərazisində “VAZ-2107” markalı avtomobillə “KamAZ” markalı avtomobil toqquşub.
Nəticədə “VAZ-2107”-də olan 3 nəfər ölüb, bir nəfər ağır xəsarət alıb.
“VAZ-2107”-in sürücüsü və avtomobildə olan iki nəfər - Sabirabad rayonunun Yenikənd kənd sakinləri, 2015-ci il təvəllüdlü Əliyev Nurid Mənsur oğlu və 1967-ci il təvəllüdlü Əliyev Mehralı Əzizağa oğlu ölüb, 1975-ci il təvəllüdlü Əliyeva Dilarə Əhməd qızı isə ağır vəziyyətdə xəstəxanaya yerləşdirilib.
İlkin ehtimala görə qəzaya dumanlı hava şəraiti səbəb olub.
