Bu il avqustun 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 36,7 min nəfər olub.
AZXEBER.COM-un Dövlət Statistika Komitəsinə istinadən verdiyi xəbərə görə, onların 40,7 faizini qadınlar təşkil edib.İşsiz statusuna malik olanlardan 2 247 nəfər işsizliyə görə müavinət alıb. Bildirək ki, işsizliyə görə müavinətin orta məbləği 247,4 manat olub.“Məşğulluq haqqında” Azərbaycan Respublikasının 2 iyul 2001-ci il tarixli Qanununa əsasən işsizlik statusuna malik olan şəxslərdən bir qismi işsizlik müavinəti alır (müavinətin ödənilməsi müddəti Qanunda nəzərdə tutulmuş hallardan başqa 12 aylıq dövr ərzində 26 təqvim həftəsindən çox ola bilməz).
