Sumqayıtda onlayn qumarxana aşkar edildi.
AZXEBER.COM-un Daxili İşlər Nazirliyinin rəsmi saytına istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Sumqayıt şəhəri ərazisində, şəhər sakini Hüseyn Nuriyevin onlayn sistemi ilə qumarxana təşkil etməsi və saxlaması müəyyən edilib. Qumarxanaya baxış zamanı 6 dəst kompüter, 30 ədəd futbol kuponları, 60 manat məbləğində uduşa qoyulmuş pul və digər sənədlər aşkar edilərək götürülüb.
