Bu gün Azərbaycanda 2 nəfər orta məktəb məzunu yol qəzasının qurbanı olub. Hadisələrdən biriSabirabad rayonunun Həşimxanlı kəndində baş verib. Belə ki, 1997-ci il təvəllüdlü məzun Niyaməddin Məhəmməd oğlu Ələkbərov yol qəzasında həlak olub.
Tovuz rayon Polis Şöbəsindən APA-ya verilən məlumata görə isə Tovuz-Əlimərdanlı avtomobil yolunda“VAZ-2107” markalı avtomobilin aşması nəticəsində orta məktəbdə “Son zəng”i qeyd edən Tovuz rayonunun Əlimərdanlı kənd sakini, 1996-cı il təvəllüdlü Eltun Nəsrəddin oğlu Mustafayev dünyasını dəyişib.
Şöbədən bildiriblər ki, maşında bir neçə nəfər məzun olub. Hazırda hadisənin baş vermə səbəbləri və digər sərnişinlərin tapılması istiqamətində tədbirlər görülür.
