Dünyanın bir sıra ölkələrində sürücülər sürücülük vəsiqəsi və avtomobilin texniki pasportunu üzərlərində gəzdirmək öhdəliyindən azad ediliblər. Sürücü üzərində sürücülük vəsiqəsi olmadan avtomobil idarə edə bilər. Onun sürücülük vəsiqəsini üzərində gəzdirməsi vacib deyil. Qonşu Gürcüstan da sürücünün avtomobil idarə edən zaman sürücülük vəsiqəsini üstündə gəzdirmək kimi öhdəliyi olmayan ölkəyə çevrilib.
Patrul xidməti aparan hər bir polis əməkdaşı məlumatlar bazasının toplandığı xüsusi kompüter vasitəsilə sürücünün sürücülük vəsiqəsinə malik olub-olmadığını müəyyən edir. Kompüter sürücünün vəsiqəsinin olduğunu göstərirsə, o, vəsiqəni evdə qoyduğu üçün cərimələnmir.
Azərbaycanda sürücülər sürücülük vəsiqəsini üstündə gəzdirmək öhdəliyindən azad olunacaqlarmı?
Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev açıqlamasında bildirdi ki, qanunvericilikdə müvafiq dəyişiklik olarsa, bu qayda Azərbaycanda da tətbiq oluna bilər.
Şöbə rəisinin sözlərinə görə, hazırda bazaya məlumatların yerləşdirilməsi prosesi gedir. Gərək şəkil ötürülsün ki, həmin sənəddə olan şəxsin həmin adam olub-olmaması araşdırlırsın.
K.Əliyev qeyd etdi ki, mövcud qanunvericiliyə görə, sürücülük vəsiqəsi sürücünün üzərində olmasa, nəqliyyat vasitəsi 3 saat müddətinə yol patrul xidməti əməkdaşının yanında saxlanılır. Müvafiq sənədlər təqdim edildikdən sonra həmin vətəndaş yol verdiyi inzibati xətaya görə məsuliyətə cəlb edilir və nəqliyyat vasitəsi buraxılır.
Milli Məclisin Hüquq Siyasəti və Dövlət Quruculuğu Komitəsinin üzvü, millət vəkiliÇingiz QənizadəMilli.Az-a bildirdi ki, belə bir sistemə keçilməsi üçün bütün sürücülər barədə Dövlət Yol Polisinin mərkəzləşmiş kompüter bazası olmalıdır.
Millət vəkili hesab edir ki, hazırda Azərbaycanda bu sahədə texniki avadanlıqlar istənilən anda sürücünün adı və soyadı ilə onun sürücülük vəsiqəsinin olub-olmamasının yoxlanılması həddində deyil: ""Yol hərəkəti haqında" qanunun tələbinə görə sürücülük vəsiqəsini təsdiq edən sənəd sürücünün üzərində olmalıdır. Mərkəzləşmiş baza olmadan bu sistemə keçmək olmaz".
//milli.az
