Azərbaycanlı futbolçular Türkiyə klubuna qələbə qazandırdı
İDMAN
08:25 28.01.2013
1588
Azərbaycan milli komandasının sabiq futbolçuları Rail Məlikovla Arif İsayevin çıxış etdiyi “Dənizlispor” bu gün növbəti oyununu keçirib. Təmsilçilərimizin klubu Türkiyə PTT I liqasının XIX turunda “Qaziantep BB” ilə qarşılaşıblar.1 tur öncə səfərdə “1461 Trabzon”a 0:3 hesabı ilə uduzan Dənizli təmsilçisi bu dəfə öz meydanda rəqibini məğlub etməkdə çətinlik çəkməyib. “Qaziantep BB” “Dənizlispor”un ilk hissədə vurduğu 2 qola ikinci 45 dəqiqədə cəmi 1 dəqiq zərbə ilə cavab veriblər.Matçda həmişəki kimi Rail 90 dəqiqə oynayıb. Arif isə meydana 80-cı dəqiqədə çıxıb.Qeyd edək ki, “Dənizlispor” qazandığı qələbə sayəsində xalını 24-ə çatdırıb və müvəqqəti də olsa 12-ci yerə yüksəlib.
