Moskva Dövlət Beynəlxalq Münasibətlər Universiteti nəzdindəki azərbaycanlı gənclər dərnəyi Rusiyada təhsil alan tələbə və aspirantlarla bu ölkədə fəaliyyət göstərən azərbaycanlı jurnalistlərin görüşünü təşkil edib. Görüşdə rus mətbuatında azərbaycanlı imici, KİV və hakimiyyət, Ermənistan-Azərbaycan, Dağlıq Qarabağ münaqişəsinin işıqlandırılmasındakı səhvlər mövzusunda mühazirələr dinlənilib. Peşəkar jurnalistlərin sadalanan məsələlərlə bağlı apardıqları araşdırmaların nəticələri auditoriyada dialoqa səbəb olub.
