Moskva metropoliteninin “Prospekt Mira” stansiyasının platformasında Azərbaycan vətəndaşı mübahisə zamanı 25 yaşlı Moskva şəhər sakini Oleq Şuqurova bir neçə bıçaq zərbəsi endirib.
Zərərçəkən aldığı yaralardan yerindəcə keçinib.AZXEBER.COM-un “Ekspress-Novosti” saytına istinadən verdiyi xəbərə görə, bu barədə Rusiya Federasiyası Daxili İşlər Nazirliyinin Moskva üzrə Baş İdarəsinin mətbuat xidməti məlumat yayıb.Məlumatda bildirilir ki, hadisə şahidlərinin sözlərinə görə, gənclər platformada mübahisə ediblər. Mübahisə zamanı kişilərdən biri bıçaq çıxardaraq digərinin sinəsinə bir neçə zərbə endirib. Bir neçə dəqiqədən sonra hadisə yerinə həkimlər gəliblər, lakin yaralının həyatını xilas etmək mümkün olmayıb.Həmyerlimiz isə elə stansiyanın platformasındaca polis əməkdaşları tərəfindən saxlanılıb. O, 25 yaşlı Azərbaycan vətəndaşı Elvin Abdullayev olub.
