Mətbuatda qələm sahiblərinin 3G mübarizəsi Rabitə və İnformasiya Texnologiyaları Nazirliyinin (RİTN) 3G xidmətinin “Azərcell” MMC-yə və “Bakcell”ə verməsi ilə nəticələndi. Bununla da bir sıra mətbuat orqanlarının nazirliyə qarşı açdığı informasiya müharibəsi onların istədiyi kimi, “Azercell” MMC-nin qalibiyyəti ilə nəticələndi. Hazırda isə şirkət bir sıra layihələrlə jurnalistlərin rəyini və qələmini qazanmaqda davam edir.
Ötən gün “Azercell” MMC və “Kaspi” tədris mərkəzinin birgə jurnalistlər üçün təşkil etdiyi 6 aylıq İngilis dili kurslarını yaxşı göstəricilərlə başa vuran 2 jurnalist İngiltərəyə göndəriləcəyi açıqlandı. Əslində, ölkədə mobil operator bazarının böyük bir hissəsinə sahib olan şirkətin, jurnalistlər üçün bir neçə layihə həyata keçirməklə nəyə nail olması düşündürücü məqamlardan biridir.
Xatırladaq ki, "Azercell" yay mövsümündə də qəzetlərin və bəzi saytların baş redaktorlarını Türkiyənin Antaliya şəhərinə istirahətə göndərmişdi. Maraqlıdır ki, bu mətbu orqanlar içində bu yaxınlarda Mətbuat Şurası tərəfindən reket elan olunan "Xural" qəzeti də var idi.
