Azəri qızı Günelin sevinəcəyi tarix - 11.11.11

AZXEBER.COM portalının Day.Azsaytına istinadən verdiyi məlumata görə, Xəzər TV-nin "Starlife" verilişinə açıqlamasında o, bir müddət əvvəl nişanlandığını xatırladıb: "Nişan yalnız ailə üzvlərimizin iştirakı ilə olub. Lakin qarşıda qonaqları yığaraq, təntənəli mərasim düzənləməyi düşünürük. Bu, 11.11.11 tarixində ola bilər. Bu tarixi uğurlu tarix sayıram. İşimiz çoxdur. Ona görə də toy gələn il olacaq. Yay gəlini olmaq istəyirəm". Bəzilərinin onu özündənrazı saymasını anlamayan Günel deyib: "Bunu bəzən türk sözləri işlətdiyim üçün düşünürlərsə, bu sözlərdən istifadə etməyim təbiidir. Başqa müğənnilər cəmi 1 həftə Türkiyədə qaldıqdan sonra türk dilində danışmağa başlayırlar. Onlar haqda nə deyək? Mənsə daim orada yaşayır, Azərbaycana nadir hallarda gəlirəm. Evdə biz Azərbaycan dilində danışırıq".