'AzRoboTex' müsabiqəsinin final mərhələsi keçiriləcək
GƏNCLİK
16:45 08.07.2013
1689
Bütün dünyada xəttin izlənməsi olaraq bilinən müsabiqə Azərbaycanda ilk dəfə Gənclər və İdman Nazirliyinin dəstəyi ilə Xəzər Mühəndislər Birliyi tərəfindən keçirilib. İlk 2 mərhələdən müvəffəqiyyətlə keçən komandalar final mərhələsində iştirak etməyə haqq qazanıblar. Bu barədə Birlikdən məlumat verilib. Hər komandada 4 nəfərin olduğu 4 finalist komanda 11 iyul tarixində “Hyatt Regency” otelində keçiriləcək final mərhələsində mübarizə aparacaqlar. Müsabiqə zamanı tələbələr tərəfindən hazırlanan və idarə olunan robotların əsas vəzifəsi qara xətt üzrə mümkün qədər sürətlə hərəkət etməkdir. Xətdən kənara çıxan robotun cəhdi uğursuz sayılır. Vaxtın hakim tərəfindən qeydə alındığı müsabiqədə hər robota 3 cəhd verilir və bunlardan ən yüksək nəticə qeydə alınır. Ən yaxşı vaxt göstəricisi olan robot qalib sayılır.
