1. Doğulduğu tarix:
1972-ci il, 4 sentyabr.
2. Bürcü, ili:
Qız bürcü, Siçan ili.
3. Harada yaşayır:
Rusiya səfirliyinin yaxınlığında.
4. Uşaqlıq hobbisi:
Şıxov çimərliyindən butılka yığıb, 20 qəpikdən təhvil verirdim. Pulumu yığıb, konstruktor alırdım.
5. İlk qazancı:
114 rubl. Azərnəşrdə fəhlə işləmişəm.
6. Başqa bacarığı:
Kafel və parket vura bilirəm.
7. Əlindən nə gəlmir:
Heç vaxt polis və maşinist işləyə bilmərəm.
8. Xüsusi pəhrizi:
Son zamanlar çörəkdən imtina etmişəm. Hər şeyi az miqdarda yeyirəm. 6 aya 22 kq. arıqlamışam.
9. Məşğul olduğu idman növü:
Bir gündənbir 5 km. qaçıram və ya 55 dəqiqə bulvarda 6 km. gəzirəm. Hər axşam 35 dəqiqə üzürəm.
10. Səni nə üstündə danlayırdılar:
Dərs oxumadığım üçün.
11. Sevdiyi yemək:
Azərbaycan mətbəxinin bütün yeməklərini xoşlayıram.
12. Sevmədiyi yemək:
Dovğanı sevirəm, amma orqanizmim qəbul etmir.
13. Sevdiyi və sevmədiyi içki:
«Yessentuki 4» və «Barjomi»ni xoşlayıram. 10 ildir ki, spirtli içki içmirəm.
14. Kitab oxuyur:
Hazırda Orxan Pamukun əsərlərini oxuyuram.
15. Teatrda son dəfə nə vaxt olub:
Təmirlər bağlı son iki ildir ki, teatrlara getmirəm. Amma hər bazar günü uşaqlarımı Kukla teatrına aparıram.
16. Necə qadınları xoşlayır:
Anamı, həyat yoldaşımı və bacımı sevirəm. Ümumiyyətlə, imanlı, əsl müsəlman qadınına hörmət edirəm.
17. Səhhəti necədir:
İdmanla məşğul olmayanda bütün bədənim, indi isə dişim ağrıyır.
18. Heyvansevərdir:
Arı, qarışqa və qaranquşu sevirəm.
19. Sevdiyi aktrisa, aktyor:
Robert Deniro, Jan Qaben, Həsənağa Turabov və Hamlet Xanızadə.
20. Hansı filmləri xoşlayır:
Həyatı filmləri. Kriminal və dəhşət filmlərinə baxmıram.
21. Dostları:
Anam, həyat yoldaşım və bacım.
22. İlk sevdiyi qız:
Bütün sinif coğrafiya müəlliməmizi sevirdi. Artıq yaşlı qadındır, amma mən onu indiyə qədər də sevirəm.
23. Diqqət çəkmək üçün nə edir:
KVN oynamışam.
24. Uşaqlarını necə çağırır:
Oğluma «papa», qızıma isə «mama» deyirəm.
25. Geyim tərzi:
Qiymətindən asılı olmayaraq, zövqlə geyinməyi xoşlayıram. Məsələn: bu şərfi 8 manata almışam, amma onu zövqlə taxanda, elə bilirsən 80 manat qiyməti var. Geyimə çox pul vermək xəstəlikdir.
26. Onu tez - tez harada görmək olar:
Cahil vaxtımda çayxanada, indi isə məsciddə.
27. Maşını:
Mercedes - E 240.
28. Ən sevdiyi aksesuarı:
Telefon, saat, kepka və təsbeh.
29. Talismanı:
1 manat və qəpiklər ruzi talismanıdır.
30. Gələcək ay üçün planı:
Əstəğfrullah, əgər Allahı güldürmək istəyirsənsə, planlarından danış. Çünki müsəlman zikr edib, bu günü ilə yaşamalıdır./// ATV MAQAZİN jurnalı
