Yan Ola Sand müsabiqə zamanı təhlükəsizlik məsələlərinin tam təmin olunacağına şübhə etmir
AZXEBER.COM-un müsabiqənin rəsmi saytına istinadən verdiyi xəbərə görə, “Bakı son dərəcə təhlükəsiz şəhərdir. Hətta Avropada bir çox şəhərlər var ki, onlar Bakıdan daha təhlükəli hesab oluna bilər”. Bunu Eurovision Mahnı Müsabiqəsinin rəhbəri Yan Ola Sand may ayında Bakıda keçiriləcək şou iştirakçılarının təhlükəsizliyinin təmin olunması ilə bağlı sualı cavablandırarkən deyib.
Yan Ola Sand Avropa Yayımları Birliyinin (EBU) təhlükəsizlik məsələlərini ciddi qəbul etdiyini və yerli təhlükəsiz orqanları ilə birgə işlər aparıldığını deyib.
“Eurovision Mahnı Müsabiqəsi zamanı təhlükəsizlik məsələlərinin tam təmin olunacağına şübhə etmirəm”, – deyə o vurğulayıb.
