Bakıda 22 yaşlı gənc ‘facebook’da tanış olduğu 16 yaşlı qızı zorladı – TƏFƏRRÜATLAR

Bakı Ağır Cinayətlər Məhkəməsində zorlama və seksual xarakterli hərəkətlərdə ittiham olunan 22 yaşlı Ə. Q. cinayət işi üzrə məhkəmə başa çatıb. AZXEBER.COM-un “Publika.az”a istinadən verdiyi xəbərə görə, Bakı şəhər sakini Ə. Q. azyaşlı olan 16 yaşlı T. M. zorlayıb. Araşdırmalar zamanı müəyyən edilib ki, Ə. Q. azyaşlı qızla sosial şəbəkələrdən birində tanış olublar. Ə. Q. yetkinlik yaşına çatmayan qızla bir müddət sosial şəbəkədə söhbət ediblər. Onların virtual münasibətləri sonradan reala keçib. Bir müddət real həyatda münasibət quran 22 yaşlı oğlan qızla ilk dəfə cinsi əlaqədə olub. O, daha sonra T. M. silah qismində istifadə etdiyi əşya ilə hədə-qorxu gələrək, zor gücünə bir neçə dəfə cinsi əlaqədə olub. Ə. Q. Cinayət Məcəlləsinin 149.2.3, ), 149.2.5-cü (təqsirkar şəxs üçün aşkar surətdə yetkinlik yaşına çatmayan şəxsə qarşı, təkrar zorlama), 150.2.3-cü (təqsirkar üçün aşkar surətdə yetkinlik yaşına çatmayan şəxs barəsində Seksual xarakterli zorakılıq hərəkətləri etmək), 221.3-cü (xuliqanlıq, silahdan və ya silah qismində istifadə edilən əşyaları tətbiq etməklə) maddələri ilə ittiham edilib. Məhkəmənin hökmü ilə Ə. Q. 10 il müddətinə azadlıqdan məhrum edilib.