Bakıda 22 yaşlı jurnalist yol qəzasında həlak oldu
Bütün Xəbərlər
14:10 06.09.2012
2229
Dünən axşam eşitdiyimiz bir xəbər bizləri çox sarsıtdı. Bəlkə də bu vaxta kimi hər gün insanların yol qəzasında öldüyünü, yaxud piyadanın maşın vurulması nəticəsində həlak olduğunu eşidəndə bizə o qədər də təsir etmirdi. Amma dünənki hadisə sadəcə dəhşət idi. Belə ki, redaksiyamızın ən gənc əməkdaşlarından biri, 22 yaşlı Murad İsmayılzadə dünən gecə sürətin qurbanı oldu. Dünən bu xəbəri eşidənlər, səhər işə gələrkən bu xəbərlə qarşlaşanlar göz yaşı tökdü. Artıq 3 ildən çoxdur ki, bizimlə birgə çalışırdı. Murad bacarığı və iş fəaliyyəti ilə "Səs" qəzetinin ən seçilən əməkdaşlarından biri idi. Bakı Dövlət Universitetini bitirəndən sonra bir il müddətində hərbi xidmətə gedib. Əsgərliyi 1 ay idi bitirib işə qayıtmışdı. Amma o, istədiyi işdə çox işləyə bilmədi. Dünənə kimi işdə gördüyümüz, salamalaşdığımız iş yoldaşımızın vəfatı, özü də 22 yaşında gəncin ölümü bizim üçün ifadəolunmaz acı oldu. Allah rəhmət eləsin. Ailəsinə, yaxınlarına və iş yoldaşlarına səbr versin...sia.az
