Avtomobillərə ciddi ziyan dəyib.
Bu gün Bakı şəhərinin Qaradağ rayonu ərazisində, Bakı-Ələt magistralında minik avtomobillərini daşıyan TIR qəzaya uğrayıb.
AZXEBER.COM Lent.az-a istinadən xəbər verir ki, Qobustan qəsəbəsində yük maşınının yol kənarındakı divarlara çırpılması nəticəsində yedəkdəki maşınlardan biri yolun hərəkət hissəsinə düşüb. Digər maşınlara da ciddi ziyan dəyib.
Bildirilir ki, qəzaya uğrayan TIR Türkiyənin dövlət qeydiyyat nişanı ilə hərəkət edirmiş.
Yedəkdə olan maşınların hamısı "Hyundai SantaFE" markalı minik avtomobilləri olub.
Qəzanın səbəbləri araşdırılır.
