AZXEBER.COM xəbər verir ki, sərgidə 42 rəssamın 68 rəsm əsəri nümayiş olunub.
Sərginin təşkilatçısı Ramilə Şamilova bildirib ki, onların əsas məqsədi yaşı çox olan insanların sərgiyə cəlb olunmasıdır:
"Həvəskar rəssamların əsərlərindən ibarət sərginin açılışını edirik. Burada müxtəliş yaşlardan ibarət insanların rəsm əsərləri sərgidədir. Əsas məqsəd isə yaşlıların cəlb olunmasıdır. Çünki onlar müəyyən səbəblərdən bu sahə üzrə çalışa bilməyiblər. Həmin insanların professional sahələri başqadır, rəsm çəkmək isə sadəcə onların hobbisidir. Biz onların öz hobbisini çox gözəl yerinə yetirdiklərinə görə, sərgi etmək qərarına gəldik ki, bu da onlar üçün stimul olsun istədik. Əsas məqsədimiz isə o idi ki, özlərinə vaxt ayırsınlar.
Həvəskar rəssam Hacıyeva Səadət bildirib ki, rəsm əsərlərini vaxtını səmərəli keçirmək üçün çəkir:
"Rəsm əsərlərini vaxtımı səmərəli keçirmək üçün çəkirəm və bu mənim hobbimdir. Düşünürəm ki, mən bunu yaxşı bacardım, çünki mənim kimi səbrsiz insanın saatlarla şəkil çəkməsi qeyri-mümkün idi. Təşkilatçı Ramilə xanımın sayəsində mən iç dünyamı kəşf etdim. Çəkilən hər rəsm əsəri əslində bir insanın öz iç dünyasıdır ki, biz də onu rəsmdə ortaya qoyuruq."
Onu da qeyd edək ki, sərgidə qrafik və yağlı boya ilə çəkilən rəsm əsərləri nümayiş olunub.
