Yayın şiddətli istilərlə davam etməsi eyni zamanda Müqəddəs Ramazan ayında olmağımız qan verən insanların sayına ciddi təsir edib.
Hazırda Mərkəzi Qan Bankında o cümlədən, digər xəstəxanalarda qan qıtlığı yaşanır.
AZXEBER.COM-un məlumatına görə, müvəqqəti yaranan qan qıtlığının aradan qaldırması məqsədi ilə Mərkəzi Qan Bankı, Qan Donorları Assosiasiyası və Azərbaycan Talassemiya Federasiyası bir araya gələrək iyul 2014-cü il tarixdə saat 17:00- dan 22:00-a qədər Park Bulvarın birinci mərtəbəsində könüllü və təmənnasız qanvermə aksiyası keçirib.
Aksiyada 105 nəfər iştirak edib və onlar öz qanlarını veriblər.
Toplanan qanlar irsi qan xəstələrinin müalicəsində təmənnasız istifadə olunacaq.
