Bu gün saat 10:00 radələrində Bakıda iki sərnişin avtobusu toqquşub. Binəqədi rayon Polis İdarəsindən Lent.az-a verilən məlumata görə, “Zəngəzur” şadlıq evinin qarşısında içi sərnişinlə dolu iki avtobus toqquşub. Nəticədə xeyli sayda sərnişin yaralanıb. Yaralılar yaxınlıqdakı şəxslərin köməkliyi ilə avtobuslardan çıxarılıb.
Yaralılar Rəsulzadə qəsəbəsi ərazisindəki keçmiş “Kirov” adına xəstəxanaya və Kliniki Tibbi Mərkəzə yerləşdiriliblər. Yaralılar bunlardır: 1. Ağakişiyev İbrahim Sultan oğlu - 1991-ci il təvəllüdlü 2. İbrahimova Aynurə Əjdər qızı – 1984 3. Cəfərov Elçin Yusif oğlu – 1984 4. İbrahimov İbrahim Əjdər oğlu – 2000 5. Müseyibova Qiymət İbrahim qızı – 1940 6. Novruzova Gövhər Əyyub qızı – 1960 7. Əliyev Raqib Məhəmməd oğlu– 1957 8. İbrahimov Raqib – 1984 Qeyd edək ki, “Zəngəzur” şadlıq evi qarşısında baş vermiş qəza nəticəsində tıxac yaranıb və nəqliyyat vasitələrinin gediş-gəlişi yarım saatdan artıq müddətdə dayandırılıb.
