Naxçıvan-Batabat yolunda baş verən yol-nəqliyyat hadisəsi zamanı 5 nəfər xəsarət alıb.
Hadisə Babək rayonunun Biçənək kəndi ərazisində qeydə alınıb. "Mercedes" markalı avtomobil yoldan çıxaraq aşıb.
Qəza nəticəsində Babək rayonunun Şəkərabad kənd sakinləri – 2014-cü il təvəllüdlü Vəliyev Fərhad Ceyhun oğlu, 2005-ci il təvəllüdlü Həsənova Nuray Həsən qızı, 2004-cü il təvəllüdlü Zeynalova Surə Zeynal qızı, 2003-cü il təvəllüdlü Həsənov Nihad Həsən oğlu və 2002-ci il təvəllüdlü Vəliyev Fərahim Ceyhun oğlu müxtəlif dərəcəli bədən xəsarətləri alıblar.
Yaralılar Naxçıvan Muxtar Respublika Xəstəxanasına yerləşdirilib. Onların vəziyyətlərinin orta-ağır olduğu bildirilir.
Hadisə yerinə polis əməkdaşları cəlb olunub, faktla bağlı araşdırma aparılır.
/APA
