Bu gün gecə saatlarında Bakıda ağır yol nəqliyyat hadisəsi baş verib.
Yüksək sürətlə hərəkət edən "Chevrolet Cruze" markalı 90 VR 913 dövlət nömrə nişanlı avtomobil Xocalı prospektində, Xətai Rayon İcra Hakimiyyətinin inzibati binasının qarşısındakı tikiliyə çırpılıb. Zərbə nəticəsində yararsız hala düşən avtomobil bir qədər sonra alışmağa başlayıb və sürücü yanaraq həyatını itirib. Şahidlərdən AzNews.az-a verilən məlumata görə, avtomobil qəzaya düşərkən onu yol polisi təqib edirmiş. Qəzaya səbəb olan yol polislərinin 99 YP 269 dövlət nömrə nişanli avtomobildə xidmət apardıqları və Nərimanov rayon Yol Polisi Şöbəsinin əməkdaşları olduğu bildirilir.
///AzNews.az
