Bakının mərkəzindəki dəhşətli qəzanı izləyin (VİDEO)

Bakıda bu gün yol qəzasında ölənlərin şəxsiyyəti məlum olub.Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyindən bazar ertəsi verilən məlumata görə, hadisə zamanı "VAZ 2107" markalı avtomobilin sürücüsü Ramin Vəliyev (1978-ci il təvəllüdlü), soyadı hələlik məlum olmayan Aysel adlı qadın, Türkiyə vətəndaşları - Bürhan Bərat Çəlik Abdulla (1987) və Əlihan Sarıtürk Şərəf oğlu (1990) həlak olublar.Bakı şəhər Təcili və Təxirəsalınmaz Yardım Stansiyasından Trend-ə verilən məlumata görə, yol qəzası bu gün 7:30-da Nəsimi rayonu ərazisində, Rəşid Behbudov küçəsi ilə Şəmsi Bədəlbəyli küçəsinin kəsişməsində baş verib. Hadisə yerində 3 nəfər ölüb, 1 nəfər xəstəxanaya aparılarkən yolda dünyasını dəyişib. 2 nəfər yaralı isə Kliniki Tibbi Mərkəzə yerləşdirilib.Mərkəzdən Trend-ə bildirilib ki, xəsarət alanların şəxsiyyətləri hələlik müəyyənləşməyib.Faktla bağlı araşdırma aparılır.Bir neçə ay öncə həmin ərazidə daha bir ağır yol qəzası baş vermişdi. Qəzada 1 nəfər həlak olmuşdu.