Bank of Baku mütəmadi qan ehtiyacı olan insanlara dəstək məqsədilə "Qanında həyat var!” şüarı ilə bu il də yenidən qanvermə aksiyası təşkil edib.
AZXEBER.COM xəbər verir ki, 19 iyunda "Respublika Qan Bankı” PHŞ ilə birgə əməkdaşlıq çərçivəsində təşkil olunan aksiyada bankın rəhbər şəxsləri və əməkdaşları iştirak edərək könüllü qan veriblər.
Qan donoru olmaq istəyən hər bir əməkdaşın ümumi sağlamlıq vəziyyəti Respublika Qan Bankının peşəkar həkim-hemotoloqları tərəfindən hərtərəfli dəyərləndirilib və qan verməyə uyğun olan şəxslərdən tibbi briqdanın nəzarətində qan alınıb.
Qeyd edək ki, götürülmüş qan nümunələri Respublika Qan Bankında bir daha müvafiq yoxlamalardan keçdikdən sonra qan xəstəliklərindən əziyyət çəkən insanlar üçün istifadə ediləcək.
Bank of Baku bu cür layihələrlə cəmiyyətin rifahı naminə birgə fəaliyyətin önəmini bir daha vurğulayır və bənzər sosial layihələrini gələcəkdə də davam etdirməyi planlaşdırır.
Daha ətraflı:
145 Məlumat Mərkəzi
