Ölkənin aparıcı banklarından biri olan "Bank Respublika” müştərilərin rahatlığını və xidmətə əlçatanlığını artırmaq məqsədilə Göyçay şəhərində ən müasir bankçılıq texnologiyaları ilə təchiz olunmuş yeni filialının təntənəli açılışını edib.
Sayca bankın 40-cı filialı olan Göyçay filialı müasir bank standartlarına uyğun infrastruktur, rahat müştəri zonası və yüksək xidmət keyfiyyəti ilə seçilir.
Təntənəli açılışda iştirak edən bankın rəhbərliyi yüksək standartlara cavab verən yeni filialın açılışını bildirən rəmzi qırmızı lenti kəsərək filialı müştərilərin istifadəsinə verib.
Bank rəhbərliyi 40-cı filialın bank üçün sadəcə rəqəm deyil, müştərilərin etimadının, bankın regionlara göstərdiyi dəyərin və davamlı inkişaf strategiyasının nəticəsi olduğunu qeyd edib. Bildirib ki, yeni filialda da biznesin bütün istiqamətləri üzrə iş adamlarına dəstək olunacaq, eləcə də əhaliyə müasir bank məhsulları sərfəli şərtlərlə təqdim ediləcək.
Bankın yeni filialı Göyçay şəhəri, Mehdi Hüseynzadə küçəsi 2D ünvanında fəaliyyət göstərəcək.
Daha ətraflı məlumat üçün:
Veb sayt: www.bankrespublika.az
Sosial şəbəkələr: "Facebook”, "Instagram”, "LinkedIn”, "Telegram”
Çağrı Mərkəzi: 144
